أحنا بنخطط ليه ؟؟؟؟؟؟؟؟
أغلبنا بيربط بين التخطيط و الجدول اللي كنا بنعمله أيام المذاكرة عشان نمشي عليه ... و ف الآخر مكناش بنلتزم بيه ...
لكن التخطيط أكبر من كده .... لأنه بيحدد لي اتجاه مستقبلي عن طريق مجموعة من القرارات ... كل شخص بيحددها حسب احتياجاته عشان تساعده للوصول إلي ما يريد
... عن طريق دراسة الوضع الحالى ... ما وصل إليه بالفعل ... مميزاته (
الفطرية و المكتسبة ) ... عيوبه .... و التفكير في كيف يكتسب ما يساعده من
مميزات من شأنها تصل به إلي ما يريد.
عارفين .... جدول المذاكرة اللي كنا بنعمله .... منظم و محكم جدااا .... لكن من الناحية النظرية فقط ... و بمجرد تطبيقه عمليا بيصبح في أغلب الأوقات غير ناجح بالمرة لأنه :
1- غير مرن.
2 - لا يستوعب المتغيرات الدائمة في الحياة.
3 - لا يغطى جميع جوانب الحياة .
4 - عند تطبيقه نفتقد إلي الشعور بالسعاده أحيانا.
يبقي عشان اعمل خطه لازم أراعي التالي:
1- المرونة .
2- استعاب المتغيرات الحياتية الدائمة و احتمالية تغير رؤيتى .
3 - الشمولية لتضم جميع جوانب الحياة .
4 - تكون مرضية لي لأشعر بالسعاده .
بسيطه متسطبستهاش :D
الكلام حلو .... لكن يتطبق إزاى ...؟؟؟
هقولكوا يتطبق إزاى .... بس قبل ما نعرف نطبق الكلام ده عملي إزاى ... عايزين نعرف الجوانب الحياتية أو الرسائل اليومية ...و دى أى خلل فيها بيأثر علي سعادة الانسان.
الجوانب الحياتية أو الرسائل اليومية هي كالتالي :
1- الجانب الروحاني : -
و يشمل الروحانيات من صلاة و عبادة و صدقة و ما إلي ذلك من أعمال تقربك إلي الله .
2- الجانب الصحي :-
رياضة - تغذية سليمة - نظافة شخصية - اهتمام بالصحة العامة .... و ما إلي ذلك من عوامل تساعدك أن تكون معافي في بدنك .
3- الجانب الاجتماعي :-
صلة
الأرحام - التودد إلي الوالدين - التقرب إلي الأخوة و الأخوات و مشاركتهم
حياتهم - عيادة المرضي - مشاركة الاصدقاء الأحزان و الأفراح .... و هذا
الجانب يضم كل المجتمع من حولك .
4- الجانب العلمي :-
حدد الدرجات العلمية و الشهادات التى تريد الحصول عليها.
5- الجانب الثقافي :-
و يضم المعارف المختلفة التى تريد الالمام بها .
6- الجانب الشخصي :-
حياتك الشخصية و الخاصة ... كيف ستسير الامور فيها .
7- الجانب المالي :-
كيف ستحصل علي المال ... هل عن طريق عمل - مشروع خاص - أم ماذا ؟
بعد ما عرفنا سوا الجوانب الحياتية و الرسائل اليومية السبعة .... تسمح تبدأ معايا أول خطوة للتخطيط
ورقة و قلم .... و اكتب عن نفسك كما يجب أن تكون .... في كل جانب من الجوانب
معاكوا 4 أيام .... اكتبوا فيهم عن نفسك كما يجب أن تكون
يعنى جدول 7 خانات كل خانة جانب من الجوانب السبعة زي ده كده
و هنملأ الخانات دى بأيه اللي احنا نتمنى نوصله في الجانب ده عشان نبقي سعداء و حاسين برضا عن حياتنا
و بعدها تعالي هنا المدونة ... عشان نكمل مع بعض رسم حياتنا و التخطيط
هنتظركم زى ما هتنتظرونى
